ಮಕ್ಕಳು ಬೇರೆಯವರ ಮೇಲೆ ಕೋಪಗೊಂಡು ಅವರ ಮೇಲೆ ಕೆಲವೊಮ್ಮೆ ಕೈ ಎತ್ತಿ ಹೊಡೆಯಲು ಹೋಗುತ್ತಾರೆ. ಇದು ಪೋಷಕರಿಗೆ ಮುಜುಗರವನ್ನುಂಟುಮಾಡುತ್ತದೆ. ಇದರಿಂದ ಅವರು ಚಿಂತೇಗೀಡಾಗುತ್ತಾರೆ. ಆದರೆ ಮಕ್ಕಳ ಈ ವರ್ತನೆಗೆ ಕಾರಣವೇನು ಎಂಬುದನ್ನು ತಿಳಿದುಕೊಳ್ಳಿ.
ಮಕ್ಕಳು ತಾವು ಬಯಸಿದ್ದನ್ನು ಪಡೆಯಲು ಯಾವುದೇ ಸುಲಭ ಮಾರ್ಗವನ್ನು ಹುಡುಕಲು ಸಾಧ್ಯವಾಗುವುದಿಲ್ಲ. ಆ ಮೂಲಕ ಅವರು ತಮ್ಮ ಕೈಗಳನ್ನು ಎತ್ತಿದರೆ ತಮ್ಮ ಗುರಿಯನ್ನು ಮುಟ್ಟಲು ಸಾಧ್ಯವೆಂದು ಭಾವಿಸುತ್ತಾರೆ.
ಅವರು ವಯಸ್ಕರಂತೆ ಸರಿ ಯಾವುದು ತಪ್ಪು ಯಾವುದೆಂಬುದನ್ನು ತಿಳಿದಿರುವುದಿಲ್ಲ. ಕೈ ಎತ್ತಿ ಹೊಡೆಯುವುದರಿಂದ ಬೇರೆಯವರಿಗೆ ಹಾನಿಯಾಗುತ್ತದೆ ಎಂಬುದು ಅವರಿಗೆ ತಿಳಿಯುವುದಿಲ್ಲ, ಅವರಿಗೆ ತಮ್ಮ ಉದ್ವೇಗವನ್ನು ನಿಯಂತ್ರಿಸಲು ಸಾಧ್ಯವಾಗುವುದಿಲ್ಲ.