ಮಟನ್ ಸಾರು ಅಥವಾ ಸುಕ್ಕ ಇದ್ದರೆ ಮಾಂಸಾಹಾರ ಪ್ರಿಯರಿಗೆ ತುಂಬ ಖುಷಿಯಾಗುತ್ತದೆ. ಇಲ್ಲಿ ಸುಲಭವಾಗಿ ಮಾಡಬಹುದಾದ ಮಟನ್ ಸುಕ್ಕದ ವಿಧಾನವಿದೆ. ಇದು ತಿನ್ನುವುದಕ್ಕೆ ತುಂಬಾ ರುಚಿಕರವಾಗಿರುತ್ತದೆ.ಅನ್ನದ ಜೊತೆ ಇದು ಸಖತ್ ಆಗಿರುತ್ತದೆ.
ಬೇಕಾಗುವ ಸಾಮಗ್ರಿಗಳು
1 ಕೆಜಿ ಮಟನ್, 2-ಈರುಳ್ಳಿ, 1-ಟೊಮ್ಯಾಟೊ, 2 ಟೇಬಲ್ ಸ್ಪೂನ್- ಶುಂಠಿ ಬೆಳ್ಳುಳ್ಳಿ ಪೇಸ್ಟ್, 5-ಲವಂಗ, 1 ಇಂಚು-ಚಕ್ಕೆ, 4 –ಹಸಿಮೆಣಸು, ½ ಕಪ್- ತೆಂಗಿಕಾಯಿ ತುರಿ, ½ ಕಪ್- ಕೊತ್ತಂಬರಿಸೊಪ್ಪು, 1 ಟೀ ಸ್ಪೂನ್- ಉಪ್ಪು, 6 ಟೇಬಲ್ ಸ್ಪೂನ್- ತೆಂಗಿನೆಣ್ಣೆ, ಟೀ ಸ್ಪೂನ್- ಸಾಸಿವೆ, 5-ಒಣಮೆಣಸು, 1 ಟೀ ಸ್ಪೂನ್- ಜೀರಿಗೆ, 1 ಟೇಬಲ್ ಸ್ಪೂನ್- ಧನಿಯಾ ಬೀಜ, 4 ಎಸಳು-ಲವಂಗ, 1 ಇಂಚು-ಚಕ್ಕೆ, 8 –ಕಾಳುಮೆಣಸು, 1 –ಈರುಳ್ಳಿ, 3 ಎಸಳು-ಬೆಳ್ಳುಳ್ಳಿ, 1 ಟೇಬಲ್ ಸ್ಪೂನ್ ಹುಣಸೆಹಣ್ಣಿನ ರಸ- ¼ ಕಪ್, 1 ಟೇಬಲ್ ಸ್ಪೂನ್-ಎಣ್ಣೆ.
ಮಾಡುವ ವಿಧಾನ
ಒಲೆಯ ಮೇಲೆ ಒಂದು ಪ್ಯಾನ್ ಇಟ್ಟು ಅದಕ್ಕೆ 1 ಟೇಬಲ್ ಸ್ಪೂನ್ ಎಣ್ಣೆ ಹಾಕಿ ಒಣಮೆಣಸು, ಧನಿಯಾ ಬೀಜ, ಜೀರಿಗೆ, ಸಾಸಿವೆ, ಲವಂಗ, ಚಕ್ಕೆ, ಕಾಳುಮೆಣಸು ಸೇರಿಸಿ 3 ನಿಮಿಷಗಳ ಕಾಲ ಫ್ರೈ ಮಾಡಿ. ನಂತರ ಇದನ್ನು ಒಂದು ಮಿಕ್ಸಿ ಜಾರಿಗೆ ಹಾಕಿ ಅದಕ್ಕೆ 1 ಈರುಳ್ಳಿ, 3 ಬೆಳ್ಳುಳ್ಳಿ ಎಸಳು, ಹುಣಸೆಹಣ್ಣಿನ ರಸ, ಸ್ವಲ್ಪ ನೀರು ಸೇರಿಸಿ ನಯವಾಗಿ ರುಬ್ಬಿಕೊಳ್ಳಿ. ನಂತರ ಒಲೆಯ ಮೇಲೆ ಕುಕ್ಕರ್ ಇಟ್ಟು ಅದಕ್ಕೆ 5 ಚಮಚ ಎಣ್ಣೆ ಹಾಕಿ 5 ಲವಂಗ, ಚಕ್ಕೆ ತುಂಡು, 2 ಈರುಳ್ಳಿಯನ್ನು ಕತ್ತರಿಸಿ ಹಾಕಿ 1 ನಿಮಿಷಗಳ ಕಾಲ ಫ್ರೈ ಮಾಡಿ. ನಂತರ 1 ಟೇಬಲ್ ಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಕತ್ತರಿಸಿದ ಟೊಮ್ಯಾಟೊ, ಹಸಿಮೆಣಸು ಸೇರಿಸಿ ಫ್ರೈ ಮಾಡಿ. ನಂತರ ಇದಕ್ಕೆ ಮಟನ್ ಮಾಂಸವನ್ನು ಹಾಕಿ ತುಸು ಉಪ್ಪು ಸೇರಿಸಿ 1 ನಿಮಿಷಗಳ ಕಾಲ ಹುರಿದುಕೊಳ್ಳಿ. ನಂತರ ಸ್ವಲ್ಪ ನೀರು ಸೇರಿಸಿ 4 ವಿಷಲ್ ಕೂಗಿಸಿಕೊಳ್ಳಿ. ನಂತರ ಇದಕ್ಕೆ ರುಬ್ಬಿದ ಮಸಾಲೆಯನ್ನು ಹಾಕಿ 10 ನಿಮಿಷಗಳ ಕಾಲ ಬೇಯಸಿಕೊಳ್ಳಿ. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. ಕೊನೆಗೆ ತೆಂಗಿನಕಾಯಿ ತುರಿ, ಕೊತ್ತಂಬರಿಸೊಪ್ಪು ಸೇರಿಸಿ ಸರ್ವ್ ಮಾಡಿ.