ವಯಸ್ಸು ಮೂವತ್ತರ ಗಡಿ ದಾಟುವ ಮೊದಲೇ ಮಾಡಬೇಕಾದ ಕೆಲಸಗಳಿವು!

ವಯಸ್ಸು ಮೂವತ್ತರ ಗಡಿ ದಾಟುವ ಮುನ್ನವೇ ಈ ಕೆಲವು ವಿಚಾರಗಳಲ್ಲಿ ನೀವು ಹಿಡಿತ ಸಾಧಿಸಿದ್ದರೆ ಮುಂದಿನ ಬದುಕು ಹಸನಾಗುವುದು ನಿಶ್ಚಿತ. ಹಾಗಾದ್ರೆ ಅವು ಯಾವುದು ಎಂದು ಯೋಚಿಸುತ್ತಿದ್ದೀರಾ…? ಇಲ್ಲಿದೆ ನೋಡಿ ಇದರ ಸಂಪೂರ್ಣ ಮಾಹಿತಿ.

ಮೂವತ್ತರ ವಯಸ್ಸಿನಲ್ಲಿ ನಿವೃತ್ತರಾಗಲು ಇನ್ನೂ ಸುದೀರ್ಘಕಾಲವಿದೆ. ಈಗಲೇ ಆ ಬಗ್ಗೆ ಆಲೋಚಿಸುವುದು ಯಾಕೆ ಎನಿಸುವುದು ಸಹಜ. ಆದರೆ ಆ ರೀತಿ ಯೋಚಿಸುವ ಬದಲು 30ರಿಂದಲೇ ಹಣವನ್ನು ಸೇವ್ ಮಾಡುತ್ತಾ ಬಂದರೆ ವೃದ್ಧಾಪ್ಯದ ವೇಳೆ ನಿಮ್ಮ ಕೈತುಂಬಾ ಹಣವಿರುತ್ತದೆ.

ಮನೆ ಖರೀದಿಸುವುದು ಪ್ರತಿಯೊಬ್ಬರ ಕನಸು. 30ರೊಳಗೆ ನೀವು ಮನೆ ಖರೀದಿಸಿದರೆ ಮುಂದಿನ 10-20 ವರ್ಷಗಳಲ್ಲಿ ಇಎಂಐ ಅಥವಾ ಗೃಹ ಸಾಲ ಮುಗಿದು ನಿವೃತ್ತಿ ವೇಳೆಗೆ ನೀವು ಸ್ವಂತ ಮನೆಯಲ್ಲಿರಬಹುದು.

ಜೀವವಿಮೆಯಂತಹ ಹೂಡಿಕೆಗಳಲ್ಲಿ ತೊಡಗುವಾಗಲೂ ಅಷ್ಟೇ ಮೂವತ್ತರೊಳಗೆ ನೀವು ಪ್ರೀಮಿಯಂ ಕಟ್ಟಲು ಆರಂಭಿಸಿದರೆ ಅದರ ಮೊತ್ತ ಬಹಳ ಕಡಿಮೆಯಿರುತ್ತದೆ. ಮತ್ತು ಇದು ಹೆಚ್ಚಿನ ಲಾಭ ನೀಡುತ್ತದೆ.