ಹಲ್ಲು ನೋವು ಬಂತೆಂದರೆ ಸಾಕು, ಇಡೀ ಬಾಯಿಯನ್ನೆ ಕತ್ತರಿಸಿಕೊಂಡು ಬಿಡುವಷ್ಟು ಸಿಟ್ಟು ಬರುತ್ತದೆ. ಹಲ್ಲು ನೋವಿನಿಂದಾಗಿ ಸಾಕಷ್ಟು ಜನ ಊಟ ತಿಂಡಿ ಬಿಟ್ಟು ನರಳುತ್ತಿರುತ್ತಾರೆ. ವೈದ್ಯರನ್ನು ಭೇಟಿ ಮಾಡುವವರೆಗೆ ಹಲ್ಲು ನೋವಿನ ನಿವಾರಣೆಗೆ ಇಲ್ಲಿದೆ ತಕ್ಷಣ ಪರಿಹಾರ.
-ಪರಿಹಾರ: ತಾಜಾ ಶುಂಠಿಯ 1/2 ಇಂಚಿನ ತುಂಡು,1/4 ಟೀಸ್ಪೂನ್ ಉಪ್ಪು
ವಿಧಾನ: ಶುಂಠಿಯನ್ನು ಪುಡಿಮಾಡಿ, ನಂತರ ಉಪ್ಪು ಸೇರಿಸಿ ಮತ್ತು ಅದನ್ನು ಮತ್ತೆ ನುಜ್ಜುಗುಜ್ಜಾಗಿ ಜಜ್ಜಿ.ಈ ಶುಂಠಿ ಉಪ್ಪಿನ ಮಿಶ್ರಣವನ್ನು ಹಲ್ಲಿನ ಸುತ್ತಲೂ ಅನ್ವಯಿಸಿ.
-ಲವಂಗದಲ್ಲಿ ಯುಜೆನಾಲ್ ಎಂದು ಕರೆಯಲ್ಪಡುವ ಅಂಶವಿದೆ. ಇದು ನೋವು ನಿವಾರಕವಾಗಿ ಕೆಲಸ ಮಾಡುತ್ತದೆ. ಹಾಗಾಗಿ ಲವಂಗವನ್ನು ಪುಡಿಮಾಡಿ ಹಲ್ಲಿನ ಕುಳಿಯೊಳಗೆ ಇಟ್ಟುಕೊಳ್ಳಿ. ಇದರಿಂದ ಅದರಲ್ಲಿರುವ ಬ್ಯಾಕ್ಟೀರಿಯಾಗಳು ನಾಶವಾಗಿ ಹಲ್ಲು ನೋವು ನಿವಾರಣೆಯಾಗುತ್ತದೆ.
-ಪುದೀನಾ ತಾತ್ಕಾಲಿಕವಾಗಿ ನೋವನ್ನು ನಿವಾರಿಸಲು ಸಹಕಾರಿ. ಇದರಲ್ಲಿ ಬ್ಯಾಕ್ಟೀರಿಯಾ ವಿರೋಧಿ, ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿದೆ. ಪುದೀನಾ ಎಲೆಯ ಪೇಸ್ಟ್ ಅನ್ನು ಹಲ್ಲುಗಳ ಮೇಲೆ ಇಟ್ಟುಕೊಳ್ಳುವುದರಿಂದ ನೋವು ಕಡಿಮೆಯಾಗುತ್ತದೆ.
-ಬೆಳ್ಳುಳ್ಳಿಯಲ್ಲಿ ಆಲಿಸಿನ್ ಅಂಶವಿದೆ. ಇದು ಹಲ್ಲು ನೋವಿಗೆ ಕಾರಣವಾಗುವಂತಹ ಬ್ಯಾಕ್ಟೀರಿಯಾಗಳನ್ನು ನಿವಾರಿಸುತ್ತದೆ. ಹಾಗಾಗಿ ನೋವಿರುವ ಪ್ರದೇಶದಲ್ಲಿ ಬೆಳ್ಳುಳ್ಳಿಯನ್ನು ಜಜ್ಜಿ ಹಚ್ಚಿ.
Fruits for bright teeth: ಬಾಯಿಯನ್ನು ಸ್ವಚ್ಛಗಿಡುವ ಹಣ್ಣುಗಳಿವು…!
ಇದು ಕೇವಲ ತಕ್ಷಣಕ್ಕೆ ಮಾಡಲಾದ ಪರಿಹಾರ. ಇದರ ನಂತರ ವೈದ್ಯರನ್ನು ಭೇಟಿ ಮಾಡಲು ಮರೆಯದಿರಿ.