ಹೋಟೆಲ್ ಗೆ ಹೋದಾಗ ಬಟರ್ ನಾನ್ ಆರ್ಡರ್ ಮಾಡಿ ಸವಿದಿರುತ್ತಿರಿ. ಮತ್ತೆ ಮತ್ತೇ ಅದನ್ನು ತಿನ್ನಬೇಕು ಅನಿಸುತ್ತಿದ್ದೇಯಾ…? ಹಾಗಾದ್ರೆ ತಡ ಯಾಕೆ…? ಇಲ್ಲಿ ಸುಲಭವಾದ ವಿಧಾನವಿದೆ ಮನೆಯಲ್ಲಿ ಟ್ರೈ ಮಾಡಿ ನೋಡಿ.
ಮೈದಾ-2 ಕಪ್, ಮೊಸರು-1/4 ಕಪ್, ಬೇಕಿಂಗ್ ಸೋಡಾ-1/4 ಟೀ ಸ್ಪೂನ್,ಸಕ್ಕರೆ-1/2 ಟೀ ಸ್ಪೂನ್,ಉಪ್ಪು-ರುಚಿಗೆ ತಕ್ಕಷ್ಟು, ಎಣ್ಣೆ – 1 ½ ಟೇಬಲ್ ಸ್ಪೂನ್, ಬೆಣ್ಣೆ-ಸ್ವಲ್ಪ.
ಮಾಡುವ ವಿಧಾನ
ಮೊದಲಿಗೆ ಒಂದು ಪಾತ್ರೆಗೆ ಮೈದಾವನ್ನು ಜರಡಿ ಹಿಡಿದುಕೊಳ್ಳಿ. ನಂತರ ಅದಕ್ಕೆ ಮೊಸರು, ಬೇಕಿಂಗ್ ಸೋಡಾ, ಉಪ್ಪು, ಸಕ್ಕರೆ,ಎಣ್ಣೆ ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ನಂತರ ಸ್ವಲ್ಪ ನೀರು ಸೇರಿಸಿಕೊಂಡು ಮೆತ್ತಗೆ ಹಿಟ್ಟನ್ನು ನಾದಿಕೊಳ್ಳಿ. ನಂತರ ಈ ಹಿಟ್ಟಿಗೆ ಒಂದು ಬಟ್ಟೆ ಮುಚ್ಚಿ 2 ಗಂಟೆಗಳ ಕಾಲ ಹಾಗೇ ಇಡಿ. ನಂತರ ಹಿಟ್ಟನ್ನು ತೆಗೆದುಕೊಂಡು ಸಮನಾದ ಗಾತ್ರದಲ್ಲಿ 10 ಉಂಡೆಗಳನ್ನು ಮಾಡಿಕೊಳ್ಳಿ. ನಂತರ ಸ್ವಲ್ಪ ಮೈದಾ ಹಿಟ್ಟು ಹಾಕಿ ಲಟ್ಟಿಸಿಕೊಳ್ಳಿ.ನಂತರ ಲಟ್ಟಿಸಿಕೊಂಡ ನಾನ್ ಮೇಲೆ ಬೆಣ್ಣೆಯನ್ನು ಸವರಿ.ನಂತರ ನಾನ್ ಅನ್ನು ಅರ್ಧ ಭಾಗಕ್ಕೆ ಮಡಚಿಕೊಂಡು ಆ ಭಾಗಕ್ಕೆ ಬೆಣ್ಣೆ ಸವರಿ ಮತ್ತೆ ಮಡಚಿಕೊಳ್ಳಿ. ಇದು ತ್ರಿಕೋನಾ ಆಕಾರಕ್ಕೆ ಬರುವವರೆಗೆ ಪೋಲ್ಡ್ ಮಾಡಿಕೊಳ್ಳಿ.ನಂತರ ಇದನ್ನು ಲಟ್ಟಿಸಿಕೊಳ್ಳಿ. ಈ ನಾನ್ ಅನ್ನು ತಂದೂರ್ ನಲ್ಲಿಟ್ಟು ಬೇಯಿಸಿಕೊಳ್ಳಿ. ಎರಡೂ ಕಡೆ ಹೊಂಬಣ್ಣ ಬರುವವರೆಗೆ ಬೇಯಿಸಿಕೊಳ್ಳಿ. ನಂತರ ಅದಕ್ಕೆ ತುಪ್ಪ ಸವರಿ ಕಟ್ಟರ್ ನಲ್ಲಿ ಕತ್ತರಿಸಿಕೊಳ್ಳಿ.