ನೆಟ್ ಸೀರೆಗಳನ್ನು ಬಳಸುವಾಗ ಇವುಗಳ ಬಗ್ಗೆ ಹೆಚ್ಚು ಕಾಳಜಿವಹಿಸಿ…!

ಮಾರುಕಟ್ಟೆಯಲ್ಲಿ ವಿವಿಧ ರೀತಿಯ ಟ್ರೆಂಡಿ, ಫ್ಯಾಶನ್ ಸೀರೆಗಳನ್ನು ಕಾಣಬಹುದು. ಎಷ್ಟೇ ದುಬಾರಿ ಅಥವಾ ಅಗ್ಗದ ಸೀರೆಗಳಾದರೂ ಅದನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು ಉತ್ತಮ. ಅದರಲ್ಲೂ ನೆಟ್ ಸೀರೆಗಳ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕಾಗುತ್ತದೆ.

-ನೆಟ್ ಸೀರೆಗಳನ್ನು ಸ್ವಚ್ಛಗೊಳಿಸುವ ವಿಧಾನ : ವಾಷಿಂಗ್ ಮಷಿನ್ ನಲ್ಲಿ ನೆಟ್ ಸೀರೆಗಳನ್ನು ತೊಳೆಯಬೇಡಿ. ಕೈಯಿಂದ ವಾಶ್ ಮಾಡುವುದು ಉತ್ತಮ. ಹಾಗೇ ಹಾರ್ಡ್ ಡಿಟರ್ಜೆಂಟ್ ಬದಲಿಗೆ ಮೃದುವಾದ ಡಿಟರ್ ಜೆಂಟ್ ಅನ್ನು ಬಳಸಿ ವಾಶ್ ಮಾಡಿ.

-ನೆಟ್ ಸೀರೆಗಳನ್ನು ಬಿಸಿಲಿನಲ್ಲಿ ಒಣಗಿಸಬೇಡಿ. ಅದರ ಬದಲು ನೆರಳಿನಲ್ಲಿ ಒಣಗಿಸಿ. ಗಾಳಿಯಲ್ಲಿ ಒಣಗಲು ಬಿಡಿ. ಹಾಗಾಗಿ ಈ ಸೀರೆಗಳನ್ನು ರಾತ್ರಿಯ ವೇಳೆ ಸ್ವಚ್ಛಗೊಳಿಸುವುದು ಉತ್ತಮ.

ನೀವೂ ಸೀರೆ ಉಡುವವರಾಗಿದ್ದರೆ ಈ ಬಗ್ಗೆ ಗಮನವಿರಲಿ

-ನೆಟ್ ಸೀರೆಗಳಿಗೆ ಇಸ್ತ್ರಿ ಹಾಕುವಾಗ ಎಚ್ಚರವಿರಲಿ. ಇಸ್ತ್ರಿಪೆಟ್ಟಿಗೆಯಲ್ಲಿ ಒತ್ತಿ ಇಸ್ತ್ರಿ ಹಾಕಬೇಡಿ. ಒಂದು ವೇಳೆ ಒತ್ತಬೇಕಾದ ಸಂದರ್ಭ ಬಂದರೆ ಅದರ ಮೇಲೆ ತೆಳುವಾದ ಹತ್ತಿ ಬಟ್ಟೆಯನ್ನು ಇಟ್ಟು ಇಸ್ತ್ರಿ ಹಾಕಿ.

-ನೆಟ್ ಸೀರೆಗಳನ್ನು ಮಡಚಿ ಇಡುವಾಗ ಕಾಗದವನ್ನು ಇಟ್ಟು ಮಡಚಿ. ಇದರಿಂದ ಸೀರೆ ಚೆನ್ನಾಗಿರುತ್ತದೆ, ಅದರ ಇಸ್ತ್ರಿ ಹಾಳಾಗುವುದಿಲ್ಲ.

-ನೆಟ್ ಸೀರೆಗಳನ್ನು ಎಳೆಯುವಾಗ ತುಂಬಾ ಜಾಗರೂಕರಾಗಿರಬೇಕು. ಯಾಕೆಂದರೆ ಎಲ್ಲಿಯಾದರೂ ಸಿಕ್ಕಿ ಹಾಕಿಕೊಂಡರೆ ಅದು ಹರಿದು ಹೋಗುತ್ತದೆ. ಮತ್ತು ಅದಕ್ಕೆ ಹೆಚ್ಚು ಪಿನ್ ಗಳನ್ನು ಬಳಸಬಾರದು.

ರಾಯಲ್ ಲುಕ್ ಗಾಗಿ ನೇರಳೆ ಬಣ್ಣದ ಲೆಹಂಗಾ ಧರಿಸುವಾಗ ಈ ಸಲಹೆ ಪಾಲಿಸಿ

-ನೆಟ್ ಸೀರೆಗಳಿಗೆ ಆಭರಣಗಳನ್ನು ಧರಿಸುವಾಗ ಪಲ್ಲು ಗೆ ಮ್ಯಾಚ್ ಆಗುವಂತಹ ಬಳೆಗಳನ್ನು ಧರಿಸಬೇಕು. ಇದರಿಂದ ಅದರ ಅಂದ ದುಪ್ಪಟ್ಟಾಗುತ್ತದೆ.

Take care of your netted sarees.