ಈ ಸ್ಥಳಗಳಿಗೆ ತಪ್ಪದೇ ಭೇಟಿ ನೀಡಿ ದೆಹಲಿಗೆ ಭೇಟಿ ನೀಡಿದಾಗ…!

ದೆಹಲಿಯು ದೇಶದಾದ್ಯಂತ ಕಂಡುಬರುವ ಎಲ್ಲಾ ಸಾಂಸ್ಕೃತಿಕ ಮತ್ತು ಧಾರ್ಮಿಕ ವೈವಿಧ್ಯತೆಯ ಕೇಂದ್ರವಾಗಿದೆ. ಸ್ಮಾರಕಗಳು, ಗೋರಿಗಳು, ದೇವಾಲಯಗಳು, ಮಸೀದಿಗಳು, ಚರ್ಚ್‌ಗಳು, ಉದ್ಯಾನವನಗಳು ಮತ್ತು ಸಣ್ಣ ಮಾರುಕಟ್ಟೆಗಳಿಂದ ತುಂಬಿರುವ ಪ್ರದೇಶವಾಗಿದೆ.ನೀವು ದೆಹಲಿಯಲ್ಲಿ ನೋಡಲೇಬೇಕಾದ ಸ್ಥಳಗಳ ವಿವರ ಇಲ್ಲಿದೆ ನೋಡಿ

ಕೆಂಪು ಕೋಟೆ(Red Fort): ಕೆಂಪು ಕೋಟೆಯು ನಿಸ್ಸಂದೇಹವಾಗಿ ದೆಹಲಿಯಲ್ಲಿ ಭೇಟಿ ನೀಡುವ ಪ್ರಮುಖ ಸ್ಥಳವಾಗಿದೆ. ಮೊಘಲ್ ಚಕ್ರವರ್ತಿ, ಷಹಜಹಾನ್ 17 ನೇ ಶತಮಾನದಲ್ಲಿ ತನ್ನ ರಾಜಧಾನಿಯನ್ನು ಆಗ್ರಾದಿಂದ ದೆಹಲಿಗೆ ಬದಲಾಯಿಸಿದಾಗ ಇದನ್ನು ನಿರ್ಮಿಸಿದನು. ಕೋಟೆಯು ಅಮೃತಶಿಲೆಯ ಸ್ಮಾರಕಗಳು ಮತ್ತು ವಸ್ತುಸಂಗ್ರಹಾಲಯಗಳನ್ನು ಒಳಗೊಂಡಿದೆ. ಆರಂಭದಲ್ಲಿ, ಇದು ಷಹಜಹಾನ್ ಅರಮನೆಗೆ ಕೋಟೆಯಾಗಿತ್ತು ಮತ್ತು ನಂತರ ಅದನ್ನು ಬ್ರಿಟಿಷರು ವಶಪಡಿಸಿಕೊಂಡರು.

ಲೋಟಸ್ ಟೆಂಪಲ್(Lotus Temple): ಲೋಟಸ್ ಟೆಂಪಲ್ ಭಾರತದಲ್ಲಿ ನೀವು ನೋಡುವ ಅತ್ಯಂತ ಸುಂದರವಾದ ಸ್ಮಾರಕಗಳಲ್ಲಿ ಒಂದಾಗಿದೆ. 1986 ರಲ್ಲಿ ಬಹಾಯಿ ದೇವಾಲಯವಾಗಿ ನಿರ್ಮಿಸಲಾಯಿತು, ಸಂಪೂರ್ಣ ಸ್ಮಾರಕವು ಬಿಳಿ ಅಮೃತಶಿಲೆಯಿಂದ ಮಾಡಲ್ಪಟ್ಟಿದೆ ಮತ್ತು ಕಮಲವನ್ನು ಹೋಲುತ್ತದೆ.

ಅಕ್ಷರಧಾಮ ದೇವಾಲಯ(Akshardham Temple):ಅಕ್ಷರಧಾಮ ದೇವಾಲಯವನ್ನು ಪ್ರವೇಶಿಸಿದ ತಕ್ಷಣ ನಿಮ್ಮನ್ನು ಬೇರೆ ಲೋಕಕ್ಕೆ ಸಾಗಿಸಿದಂತಾಗುತ್ತದೆ. ದಿಲ್ಲಿಯ ಸಮೀಪದ ನೋಯ್ಡಾದಲ್ಲಿರುವ ಈ ದೇವಾಲಯವನ್ನು 15,000 ಕ್ಕೂ ಹೆಚ್ಚು ಕುಶಲಕರ್ಮಿಗಳು ನಿರ್ಮಿಸಿದ್ದಾರೆ ಎಂದು ತಿಳಿದುಬಂದಿದೆ

ಇಂಡಿಯಾ ಗೇಟ್(India Gate): ಇಂಡಿಯಾ ಗೇಟ್ ಭಾರತದ ಯುದ್ಧ ಸ್ಮಾರಕವಾಗಿದೆ. ಪ್ರಬಲವಾದ ಕಮಾನುಮಾರ್ಗವನ್ನು ಅಂದಿನ ಭಾರತದ ವೈಸರಾಯ್ ನಿರ್ಮಿಸಿದರು,  ಇಂಡೋ-ಪಾಕಿಸ್ತಾನ ಯುದ್ಧದ ಸಮಯದಲ್ಲಿ ತಮ್ಮ ಪ್ರಾಣವನ್ನು ತ್ಯಾಗ ಮಾಡಿದ ಎಲ್ಲಾ ಭಾರತೀಯ ಸೈನಿಕರನ್ನು ಸ್ಮರಣಾರ್ಥವಾಗಿ ಈ ಸ್ಮಾರಕವನ್ನು ನಿರ್ಮಿಸಲಾಗಿದೆ. ಇದು ಮೊದಲನೆಯ ಮಹಾಯುದ್ಧದ ಸಮಯದಲ್ಲಿ ಬ್ರಿಟಿಷ್ ಸೈನ್ಯದೊಂದಿಗೆ ಹೋರಾಡಿದ ಸೈನಿಕರ ಸ್ಮರಣಾರ್ಥವೂ ಆಗಿತ್ತು.

ಕುತುಬ್ ಮಿನಾರ್(Qutub Minar):ಮೆಹ್ರೌಲಿ ಬಳಿ ಇರುವ ಇದನ್ನು ಯುನೆಸ್ಕೋ ವಿಶ್ವ ಪರಂಪರೆಯ ತಾಣವೆಂದು ಘೋಷಿಸಿದೆ. ಈ ತಾಣವು ಪ್ರತಿದಿನ ಪ್ರವಾಸಿಗರಿಂದ ತುಂಬಿ ತುಳುಕುತ್ತಿರುತ್ತದೆ. ಕೊನೆಯ ಹಿಂದೂ ರಾಜನನ್ನು ಸೋಲಿಸಿ ಇಲ್ಲಿ ಮೊಘಲ್ ಸಾಮ್ರಾಜ್ಯವನ್ನು ಸ್ಥಾಪಿಸಿದ ನಂತರ ಕುತಾಬ್-ಉದ್-ದಿನ್ ಐಬಕ್ ಇದನ್ನು 1193 ರಲ್ಲಿ ನಿರ್ಮಿಸಿದನೆಂದು ನಂಬಲಾಗಿದೆ.