‘ಫೇಸ್​ ಮಾಸ್ಕ್’​​ ಪ್ರಯೋಜನದ ಕುರಿತ ಮಹತ್ವದ ಮಾಹಿತಿ ಬಹಿರಂಗ

ಮಾಸ್ಕ್ ಧರಿಸಿದ್ರೆ ಕರೊನಾ ಹರಡುವಿಕೆಯನ್ನ ನಿಯಂತ್ರಿಸಬಹುದು ಅಂತಾ ಮಂತ್ರಿಗಳು, ಆರೋಗ್ಯ ಇಲಾಖೆ ಅಧಿಕಾರಿಗಳು, ವೈದ್ಯರು ಹೇಳ್ತಾನೇ ಇರ್ತಾರೆ. ಇದೀಗ ಇವರ ಈ ಮಾತಿಗೆ ಪುಷ್ಠಿ ನೀಡುವಂತಹ ವರದಿಯೊಂದು ಬಹಿರಂಗವಾಗಿದೆ .

ಇಂಡಿಯನ್​ ಇನ್ಸಿಟಿಟ್ಯೂಟ್​ ಆಫ್​ ಟೆಕ್ನಾಲಜಿ ನಡೆಸಿದ ಅಧ್ಯಯನದಲ್ಲಿ ಫೇಸ್​ ಮಾಸ್ಕ್​​ನಿಂದ ಕರೊನಾ ನಿಯಂತ್ರಣವಾಗುತ್ತೆ ಅನ್ನೋ ಅಂಶ ಬಯಲಾಗಿದೆ. ನಾವು ಸೀನಿದಾಗ ಅಥವಾ ಕೆಮ್ಮಿದಾಗ ನಮ್ಮ ದೇಹದಲ್ಲಿನ ವೈರಸ್​ ವಾತಾವರಣಕ್ಕೆ ಸೇರಿಕೊಳ್ಳುತ್ತೆ. ಆದರೆ ಫೇಸ್​ ಮಾಸ್ಕ್​ ಧರಿಸಿದ ವ್ಯಕ್ತಿ ಕೆಮ್ಮಿದಾಗ ಹೊರಹೊಮ್ಮುವ ವೈರಸ್​ನ ಕಣಗಳು 23 ಪಟ್ಟು ಚಿಕ್ಕದಾಗಿ ಇರುತ್ತವಂತೆ.

ಆದರೆ ಮಾಸ್ಕ್​ ಹಾಕದ ವ್ಯಕ್ತಿ ಸೀನಿದಾಗ ಹೊರಹೊಮ್ಮುವ ವೈರಸ್​ ಸರ್ಜಿಕಲ್​ ಮಾಸ್ಕ್​ ಹಾಕಿದ ವ್ಯಕ್ತಿ ಹೊರಹಾಕಿದ ವೈರಸ್​​ಗಿಂತ 7 ಪಟ್ಟು ದೊಡ್ಡ ಹಾಗೂ ಎನ್​ 95 ಮಾಸ್ಕ್​ ಹಾಕಿದ ವ್ಯಕ್ತಿ ಹೊರಹಾಕುವ ವೈರಸ್​ಗಿಂತ 23 ಪಟ್ಟು ದೊಡ್ಡದಾಗಿ ಇರಲಿದೆ. ಅಲ್ಲದೇ ಕೆಮ್ಮಿದಾಗ ಅಥವಾ ಸೀನಿದಾಗ ಹೊರಹೋಗುವ ವೈರಸ್​ ವಾತಾವರಣದಲ್ಲಿ 5ರಿಂದ 8 ಸೆಕೆಂಡ್​ಗಳ ಕಾಲ ಜೀವಂತವಾಗಿ ಇರುತ್ತೆ ಎಂದು ಅಧ್ಯಯನ ಹೇಳಿದೆ.

ಸೀನುವಾಗ ಕೈ ಅಡ್ಡ ಹಿಡಿಯೋದು ಅಥವಾ ಕರವಸ್ತ್ರ ಅಡ್ಡ ಹಿಡಿಯೋದರಿಂದ ವೈರಸ್​ ಹರಡುವಿಕೆ ಪ್ರಮಾಣ ಕಡಿಮೆ ಮಾಡಬಹುದಾಗಿದೆ. ಆದರೆ ಇವೆರಡು ಈಗಿನ ಪರಿಸ್ಥಿತಿಯಲ್ಲಿ ಸುರಕ್ಷಿತವಾದ ಕ್ರಮವಲ್ಲ. ಹೀಗಾಗಿ ವಿಶ್ವ ಆರೋಗ್ಯ ಸಂಸ್ಥೆ ಸಲಹೆ ನೀಡುರುವ ಫೇಸ್ ಮಾಸ್ಕ್​ ಮಾತ್ರ ವೈರಸ್​ನಿಂದ ಕಾಪಾಡಿಕೊಳ್ಳಲು ಸುರಕ್ಷಿತ ಮಾರ್ಗವಾಗಿದೆ.

ಆನ್‌ಲೈನ್‌ನಲ್ಲಿ ಹೆಚ್ಚಿನ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ ಮತ್ತು ಆನಂದಿಸಿ !!!