ತಲೆನೋವು ಸಮಸ್ಯೆ ಕಾಡಲು ಇದೇ ಕಾರಣವಂತೆ…!

ನಿಮ್ಮ ದೇಹವನ್ನು ಆರೋಗ್ಯವಾಗಿಡಲು ವ್ಯಾಯಾಮ ಮಾಡುವುದು ಬಹಳ ಮುಖ್ಯ. ಆದರೆ ಕೆಲವರಿಗೆ ವ್ಯಾಯಾಮ ಮಾಡುವಾಗ ಸ್ವಲ್ಪ ಹೊತ್ತಿನಲ್ಲೇ ತಲೆನೋವು ಸಮಸ್ಯೆ ಕಾಡುತ್ತದೆ. ಇದಕ್ಕೆ ಹಲವು ಕಾರಣಗಳಿವೆ. ಹಾಗಾಗಿ ಇದಕ್ಕೆ ಕಾರಣವೇನೆಂಬುದನ್ನು ತಿಳಿದು ತಲೆನೋವು ಬರದಂತೆ ತಡೆಯಿರಿ.

ನಿರ್ಜಲೀಕರಣ : ದೇಹಕ್ಕೆ ನೀರು ಅತಿ ಅವಶ್ಯಕ, ವ್ಯಾಯಾಮ ಮಾಡುವಾಗ ಸಾಕಷ್ಟು ಬೆವರು ಹೋಗಿ ದೇಹದಲ್ಲಿ ನೀರಿನಾಂಶ ಕಡಿಮೆಯಾಗುತ್ತದೆ. ಇದರಿಂದ ಮೆದುಳಿಗೆ ಆಮ್ಲಜನಕ ಪೂರೈಕೆ ಸರಿಯಾಗಿ ಆಗುವುದಿಲ್ಲ. ಇದರಿಂದ ಮೆದುಳಿನ ಕಾರ್ಯದಲ್ಲಿ ವ್ಯತ್ಯಾಸವಾಗಿ ತಲೆನೋವಿನ ಸಮಸ್ಯೆ ಕಾಡುತ್ತದೆ.

ಅತಿಯಾದ ವ್ಯಾಯಾಮ : ನಾವು ಅತಿಯಾಗಿ ವ್ಯಾಯಾಮ ಮಾಡಿದಾಗ ಆಮ್ಲಜನಕದ ಹರಿವನ್ನು ಹೆಚ್ಚಿಸಲು ತಲೆ ಮತ್ತು ಕತ್ತಿನ ಸ್ನಾಯುಗಳಿಗೆ ಹೆಚ್ಚಿನ ರಕ್ತ ಬೇಕಾಗುತ್ತದೆ. ಈ ಕಾರಣದಿಂದಾಗಿ ರಕ್ತನಾಳಗಳು ಹಿಗ್ಗುತ್ತವೆ. ಆಗ ತಲೆನೋವು ಕಂಡುಬರುತ್ತದೆ.

ನಿದ್ರೆಯ ಕೊರತೆ : ರಾತ್ರಿ ಸರಿಯಾಗಿ ನಿದ್ರೆ ಮಾಡದಿದ್ದರೆ ಬೆಳಿಗ್ಗೆ ವ್ಯಾಯಾಮ ಮಾಡುವಾಗ ತಲೆನೋವಿನ ಸಮಸ್ಯೆ ಕಾಡುತ್ತದೆ. ಹಾಗಾಗಿ ನಿದ್ರೆ ಪೂರ್ಣಗೊಳಿಸಿದ ಬಳಿಕವೇ ವ್ಯಾಯಾಮ ಮಾಡಿ.

ತಲೆನೋವನ್ನು ನಿವಾರಿಸಲು ಜಸ್ಟ್ ಹೀಗೆ ಮಾಡಿ

ಬಿಸಿಲಿನಲ್ಲಿ ವ್ಯಾಯಾಮ : ಹೆಚ್ಚು ಸೂರ್ಯ ಬಿಸಿಲು ಬೀಳುವ ಕಡೆ ನಿಂತು ವ್ಯಾಯಾಮ ಮಾಡುವುದರಿಂದ ಸೂರ್ಯನ ಶಾಖ ಮೆದುಳಿನ ಮೇಲೆ ಬೀಳುತ್ತದೆ. ಇದರಿಂದ ತಲೆನೋವಿನ ಸಮಸ್ಯೆ ಕಾಡುತ್ತದೆ.ಹಾಗಾಗಿ ವ್ಯಾಯಾಮ ಮಾಡುವಾಗ ಉಸಿರನ್ನು ಹಿಡಿದಿಟ್ಟುಕೊಳ್ಳುವ ಬದಲು ದೀರ್ಘವಾಗಿ, ಆಳವಾಗಿ ಉಸಿರಾಡಿ. ಸೀಮಿತ ಸಮಯದವರೆಗೆ ಮಾತ್ರ ವ್ಯಾಯಾಮ ಮಾಡಿ.